Deri në datën 19 dhjetor, mbi 1000 procedime penale që janë duke u ndjekur nga Prokuroria e Krimeve të Rënda priten që të transferohen në rrethe. Ndërsa rreth 100 procedime do t’i kalojnë për kompetencë SPAK.
Sipas “Report tv”, prokurorët e Krimeve të Rënda kanë nisur që në fillim të javës inventarizimin e dosjeve dhe dorëzimin e tyre në sekretari.
Mënyra e dorëzimit të dosjeve pranë SPAK, prokurorisë e cila pritet të funksionojë në të njëjtën godinë në të cilën aktualisht janë Krimet, mësohet se do të bëhet pas një udhëzimi që do të nxjerrë Kryeprokurori i ri Olsian Çela.
