Trajneri i njohur thotë “Po”: Reali është shtëpia ime

Pas dorëheqjes së Zidane, presidenti i Real Madrid Florentino Perez është në kërkim të një trajneri të ri. Duket një mision mjaft i vështirë pasi të gjithë emrat e mëdhenj kanë refuzuar të punojnë në kampin madrilen pasi do të jenë nën hijen e triumfeve të Zidane. Francezi ka pohuar tashmë se ai nuk do të kërkojë një klub të ri këtë verë, ndërsa Real Madridi ende po mendon se kush mund të jetë zëvendësuesi më i mirë i tij.Gazeta spanjolle “AS”, pretendon se Jurgen Klopp dhe Clarence Seedorf po monitorohen nga Florentino Perez. Seedorf refuzoi të përjashtonte një lëvizje të mundshme në Real Madrid duke pretenduar: “Do të doja të isha trajner te Real Madridit do të ishte një nder për mua. Real Madridi është shtëpia ime dhe jam në dispozicion, por nuk dua të krijoj polemika”, ka thënë legjenda e Milanit.