Pas përfundimit të takimit 0-0 në Astana, trajneri i Kazakistanit Mikal Bilek, nuk e konsideroi rezultat negativ barazimin me Shqipërinë. Tekniku çek u shpreh se e dinte që sfida me Shqipërinë do të ishte e vështirë, pasi lojtarët tanë luajnë jashtë vendit.
“Kishim shumë probleme në mbrojtje: Vorogovski, Alip nuk mund të luanin. Serej Mali kishte grumbulluar shumë kartona të verdhë. Maraçkini u dëmtua gjatë ndeshjes. Në të njëjtën kohë, mund të them se Jerlanovi, Kerimzhanovi, Beisebekovi bënë një paraqitje të mirë. E dinim që Shqipëria është një ekip i mirë, shumë lojtarë luajnë jashtë. U paraqitën mirë sot dhe patën disa raste për të shënuar. Nuk humbëm, kjo ka rëndësi. Nuk patëm aq raste sa dëshironim. Tani për 3 ditë do të përgatitemi për ndeshjen me Bjellorusinë. Duam të arrijmë një rezultat më të mirë se një muaj më parë”.
Një pikë e fituar apo dy pikë të lëna – “Luajtëm në shtëpi dhe dëshironim të fitonim, sidomos pas ndeshjes me Bjellorusinë. Donim një rezultat më të mirë, pro nuk e realizuam. Mendoj se në një aspekt 1 pikë është diçka e mirë duke ditur që kundërshtari pati disa raste për të shënuar në pjesën e dytë. Djemtë u përpoqën të shënonin, por nuk ia dolën. Nuk mund të them asnjë fjalë të keqe për ata”, u shpreh trajneri i Kazakistanit, Mikal Bilek.
