Një ngjarje e rëndë pikërisht sot, në ditën e gruas, ku një 64-vjeçare i ka dhënë fund jetës. Ngjarja ka ndodhur në fshatin Kutalli të Urës-Vajgurore mëngjesin e sotëm.
Mësohet se e vetëflijuara është Hava Shehu, nënë e 5 fëmijëve, e cila u gjet e varur nga familjarët e saj në kasollen e bagëtive, pranë banesës së saj.
Kanë qenë dy djemtë e së ndjerës ata që e kanë gjetur nënën të varur mesditën e sotme. 64-vjeçarja është transportuar nga familjarët në Spitalin e Beratit, por më kot pasi mjekët konfirmojnë se gruaja ka mbërritur pa shenja jete.
Viktima 64-vjeçarja Hava Shehu jetonte në kushte të vështira ekonomike dhe kishte edhe një nga djemtë në burg të akuzuar për “vjedhje”, shkruan BalkanWeb. Sipas të afërmve dhe banorëve të fshatit Drenovicë këto kanë qenë edhe shkaqet që e kanë detyruar nënën e 5-fëmijëve të ndërmarrë këtë akt ekstrem, vetëflijimin.
