Një helikopter dhe një avion i vogël u përplasën gjatë fluturimit, mbi ishullin e Majorkës, ku si pasojë të paktën 7 persona kanë humbur jetën. Aksidenti tragjik u shënua pranë zonës Inka, në veri të ishullit të populluar me turistë të shumtë në këtë periudhë të vitit
Sipas mediave vendase, në helikopter gjendeshin pesë persona, dy prej të cilëve ishin të mitur. Ndërkohë, dyshohet se dy viktimat e tjerë ndodheshin në avionin e vogël, me kapacitet për vetëm 2 persona.
Kanë qenë autoritetet spanjolle ato që kanë konfirmuar bilancin e viktimave, të cilët kanë sqaruar se përplasja ndodhi në hapësirën ajrore mbi spitalin e zonës.
