Një ditë pas ngjarjes së rëndë në Torovicë, ku humbën jetën 3 persona, specialistë të gjeologjisë japin alarmin, teksa shprehen se në këtë zonë mund të shemben gurë të tjerë.
“Gurë të tjerë rrezikojnë të shemben sërish. Një banesë është totalisht e rrezikuar. Po bëhet krehja e zonës për të parë situatën dhe mundësinë për të ndërhyrë për shkëputjen e tyre të kontrolluar me qëllim shmangien e tragjedive si ajo e një ditë më parë”, janë shprehur specialistët për Balkanweb.
Ditën e djeshme, një shkëmb masiv u shkëput duke rënë mbi një fuoristradë, brenda së cilës ishin dy vëllezër dhe gruaja e njërit prej tyre, kjo e fundit 7-muajshe shtatzënë.
Banorët janë shprehur se ngjarja e rëndë vjen i pasoje neglizhencës së pushtetit vendor dhe qendror, duke e lënë rrugën të degraduar prej shumë vitesh.
