Një ngjarje e rëndë është shënuar sot në fshatin Dushnik të Beratit, teksa tre persona kanë humbur jetën brenda në një pus.
Mësohet se tre anëtarë të një familjeje kishin hyrë për të pastruar pusin, ku furnizoheshin me ujë të pijshëm.
Sipas BalkanWeb bëhet fjalë për shtetasit Kamber Hoxha, 77 vjeç, Neim Hoxha, 46 vjeç si dhe Gentjan Golashi 45 vjeç.
77-vjeçari ishte futur i pari në pus, me qëllim që ta pastronte por fatkeqësisht mbeti i bllokuar brenda. Dy nipat e tij kishin hyrë për ta shpëtuar. Njëri prej tyre ka ndërruar jetë në vendngjarje, ndërsa tjetri humbi jetën rrugës për në spital.
