Ende mbetet mister se si ndodhi aksidenti tragjik në Bullgari me 45 viktima. Eksperti Mamir Hodo ka analizuar në studion e “Breaking”, mënyrën se si ka ndodhur ky aksident tejet i rëndë. Ai tha se aksidenti mund të ketë ndodhur nga sinjalistika rrugore, e cila ishte e padukshme dhe ku mungonte drita, fosforishenca. Hodo zbuloi më tej se shoferi ka qenë i moshës 50 vjeç, i pajisur me lejen e drejtimit për autobusë.
“Në karroxhatën dhe xhepin e rrugës, ka një ndarëse metalike e tipit standard, sipas këndvështrimit tonë ka qenë e padallueshme për drejtuesin e mjetit, nuk ka pasur fosforeshente.
Është bërë një ndarë e tillë, e papranueshme, për vendosjen e sistemit të sinjalistikës rrugore. Nuk përjashtohen mundësia që drejtuesi i mjetit nuk e ka parë, ekziston mundësia. Shoferi ka qenë i moshës 50 vjeç, i pajisur me lejen e drejtimit për autobusë, pra ka pasur eksperiencë”, tha Hodo.
Po engimat e rënies së zjarrit, sipas Hodos, shpjegohen me faktin se ka pasur fërkim të autobusit me barrierat mbrojtëse. “Mjeti ka goditur në pjesë ballore të djathtë, në kuadratin metalik, si pjesë e shkëndijës së ndodhur.
Sipas teknologjisë është krijuar mundësia, pasi kemi të bëjmë me krijimin e një temperature 1000 gradë celsius nga nxehtësia. Janë krijuar xixat dhe temperaturat e mundësia e gazrave është krijuar mundësia për shpërthim. Dhe aty mjeti ka kapur flakë. Mendoj se fërkimi metalik me pjesën e pasme shkaktoi zjarr”, tha Hodo.
Sa i përket gjendjes shëndetësore të të plagosurve, ata janë jashtë rrezikut për jetën. Dy prej pacientëve të shtruar në spitalin Pirogov në Bullgari, do t’i nënshtrohen operacioneve kirurgjikale. Mjekja Maja Argirova bëri me dije se të gjitha pasagjerët që mundën të dilnin të gjallë nga autobusi i djegur në Struma, ndodhen në gjendje të stabilizuar shëndetësore.
“6 pacientë janë në kirurgjinë plastike, 1 në traumatologji. Të gjithë pacientët janë në gjendje stabile, u janë dhënë ndihmë psikologjike dhe dje kanë pasur ndërhyrje të suksesshme. Janë kryer ndërhyrjet e nevojshme emergjente. Dy operacione janë kryer ditën e djeshme.
Një pacient i operuar kishte një frakturë në pjesën e poshtme të këmbës. Një tjetër prej të lënduarve iu nënshtrua një operacioni për një thyerje të kyçit të gjurit. Pacientët e kaluan natën në qetësi”, deklaroi Argirova.
