Një ngjarje e rëndë ka ndodhur në Greqi. Raportohet se një varkë me 50 emigranë është mbytur 13 milje në jugperëndim të Paxos në Greqi.
Sipas mediave greke, deri tani janë shpëtuar 16 persona. Ndërkohë, raportohet se janë nxjerrë të mbytur dhe 3 të tjerë. Për pjesën tjetër, autoritetet po vazhdojnë operacionet e kërkim-shpëtimit.
Në operacionin janë përfshirë 6 anije të cilat kanë qenë në afërsi, kryesisht nga porti i Igoumenitsit, Korfuzit, Paxosit dhe Lefkadës. Në ndihmë të anijeve janë vënë në dispozicion dhe dy avionë grekë Super Puma.
Thirrja për ndihmë është dhënë nga vetë emigrantë në saj të një telefonate të kryer rreth orës 9 të mëngjesit.
