E martë, 25 Janar, 2022
6.5 C
Tirana

Lleshaj paralajmëron “kokat” e krimit, iu ndan detyrat 12 drejtuesve të policisë

Ministri i Brendshëm, Sandër Lleshaj ka bërë një analizë për rezultatet e vitit 2019 dhe problematikat që u hasën.

Së bashku me 12 Drejtoritë Vendore të Policisë dhe drejtuesit qendrorë, Lleshaj bëri të ditur edhe prioritet për vitin 2020. Ministri i Brendshëm e vuri fokusin tek lufta kundër krimit të organizuar dhe siguria rrugore, teksa theksoi se shumë shpejt do të miratohet edhe paketa e njohur “KÇK”.

Lleshaj përgëzoi punën parandaluese së Policisë së Kukësit, e cila nuk ka evidentuar asnjë vrasje për vitin që shkoi.

“Krimi i organizuar është prioriteti numër 1. Personat, që janë dënuar për veprimtari në fushën e krimit të organizuar, të krimeve të rënda, të korrupsionit etj., pra janë disa nene të Kodit Penal, në qoftë se janë dënuar për këto vepra, brenda apo jashtë shtetit, që janë hetuar apo janë proceduar për këto vepra, nga momenti i hyrjes në fuqi të ligjit, Policia ka detyrën t’i shkojë dhe t’i trokasë në derë, t’i thotë: – ti ke bërë 10 vjet (burg) për trafik droge? Po. Ke dhe këtë hotelin këtu. Tani, hoteli sekuestrohet, i vihet shiriti dhe ti shkon në gjykatë dhe provoje që është i yti.

Prioriteti numër 2, siguria rrugore! Siguria rrugore na vret më shumë njerëz se sa krimi i organizuar. Jo më shumë, por 5 herë më shumë. Çfarë do të bëjmë? Do të ndryshojmë Kodin Rrugor, do të ashpërsojmë masat, do të ashpërsojmë kontrollet, do të modernizojmë kontrollet, do të luftojmë fort për integritetin e punonjësve. Pra do të punojmë në të gjitha drejtimet, do të punojmë shumë për edukimin e qytetarëve nëpërmjet medias, përmes shkollës, përmes aktiviteteve të tjera”, u shpreh ministri i Brendshëm.

Ai shtoi se për t’u përballur suksesshëm me zhvillime e fenomene të reja të krimit, do të ngrihet 4 Njësi të posaçme në Policinë e Shtetit, me ekspertët më të mirë.

“Do të bëjmë ndryshime të rëndësishme krahasuar me vitin e kaluar. Do bëjmë ndryshime në strukturë, e para. Do të krijojmë Njësi të specializuara për të luftuar ato fenomene kriminale, të cilat kërkojnë specializim. Do të krijojmë Njësi të reja, të cilat do të jenë:

– “Njësia E”, që është Krimi Ekonomik. Njësi e fortë, e specializuar, me ekspertë, e trajnuar, e pajisur, e cila do të trajtojë krimin ekonomik në kuptimin e krimit të organizuar, krimit të sofistikuar.

– Njësia tjetër do të jetë “Njësia I”, informacioni, inteligjenca. Këtu kërkohet dhe do të bëhet ndryshim thelbësor. Rrjetet e informacionit duhet të kthehen në rrjete profesionale.

– E treta, është “Njësia C”, e Krimit Kompjuterik. Edhe për krimin kompjuterik nuk besojmë që mund të krijojmë ekspertizë në nivel drejtorish vendore, është e pamundur dhe e panevojshme. Dhe do të përqendrojmë energjitë për të krijuar një strukturë të specializuar të krimit kompjuterik.

– Është krijuar në fakt struktura “Njësia K”, që ka të bëjë me kapjen e personave në kërkim. Gjithë kjo njësi është prapë një strukturë e specializuar, e cila është një strukturë gjahtarësh që do të ketë detyrë kapjen e personave të listës prioritare”, tha ai.

- Reklama -

Më shumë nga kategoria




Të fundit

FSHF regjistroi Veliajn/ Rama: I neveris përgjimet e bisedave!

Kryeministri Rama ka shuar heshtjen sa i takon një debati të fortë që ka ndodhur në orët e fundit pas publikimit të audio-përgjimit nga...

Në Turqi, qytetarët në radhë për të blerë bukë të lirë (VIDEO)

Pavarësisht motit me borë në Bursa, qytetarët krijuan radhë të gjata para kioskave të bukës BESAŞ për të blerë bukë të lirë. Qytetarët në rrethin...

Futet me thikë në dorë për të grabitur argjendarinë, pranga 35-vjeçarit

Blutë e Durrësit kanë arrestuar në flagrancë një 35-vjeçar, pasi ka tentuar të grabisë një argjendari në qytetin bregdetar. Në pranga ka rënë shtetasi...

Acari pushton vendin, nesër temperatura në -11 °C

Sot (e martë dt.25) dhe nesër (e mërkurë dt.26) ulja e ndjeshme e temperaturave dhe ngricat mund të krijojnë probleme të ndryshme dhe vështirësi...

Xhef Bezos synon të ndalë plakjen e njeriut

Nga: Daniel M. Davis Xhef Bezos ka nisur një mision për të mposhtur plakjen e njeriut. Ai sapo ka angazhuar shkencëtarin Hal Barron nga “GlaxoSmithKline”për...