Një tragjedi ka ndodhur sot në Isselburg të Gjermanisë, ku një shqiptar nga Kosova ka vrarë bashkëshorten, vajzën e më pas veten.
Sipas informacioneve të para, 51-vjeçari ka dashur të vrasë bashkëshorten dhe dy fëmijët edhe më parë. Para ngjarjes këtë mëngjes, ai kishte njoftuar një të njohurin e tij, i cili më pas ka kontaktuar policinë.
Në apartamentin e tyre, forcat e rendit kanë gjetur trupin e pajetë të bashkëshortes 46-vjeçare dhe vajzës 17-vjeçare. Ndërkohë, vajza e dytë, 14-vjeçare, ka shpëtuar pa lëndime. Ajo është nën kujdesin e mjekëve dhe psikologëve.
Pasi ka vrarë gruan dhe vajzën, ai ka varur veten me një litar në verandën e shtëpisë, shkruan Bild. Një prokuror, tha se autori i krimit donte të vriste të gjitha pjesëtaret e familjes, por nuk dihet se përse ka hezituar te vajza e dytë.
Vajza 14-vjeçare ka dhënë informacionet e para në lidhje me krimin, ku dyshohet se motiv ishte divorci midis tyre.
