Kanë ndërruar jetë brenda pesë ditëve Lirim Neziraj 20-vjeç dhe babai i tij Hamëz Neziraj 62-vjeç. Viktimat ishin nga Dobidoli i Rahovecit të Kosovës, azilkërkues në Zvicër.
I riu, i cili vuante nga një sëmundje e rëndë, u përplas për vdekje nga treni në Oerlikon të Zyrihut. Vetëm 5 ditë më vonë pas ngjarjes së rëndë, ndahet jeta i ati, Hamëz Neziriaj, pas një sulmi në tru, raporton “albinfo.ch”.
Për shkak të statusit të tyre si azilkërkues, pjesëtarët tjerë të familjes, nëna, një vajzë dhe një djalë, nuk lejohen të shkojnë në Kosovë për të marrë pjesë në varrim.
