SPAK ka kërkuar që ish-ministri i Brendshëm Saimir Tahiri të dënohet për “trafik droge”. Prokuroria e Posaçme kë bërë rekurs në Gjykatën e Lartë për dënimin e ish-ministrit Saimir Tahiri, pasi nuk është dakord me dënimin e dhënë ndaj tij.
SPAK kërkon që Tahiri të dënohet me 12 vite burg për të gjitha akuzat e ngritura ndaj tij, për “grup kriminal” dhe “trafik të lëndëve narkotike”.
Ish-ministri i Brendshëm është dënuar me 3 vite e 4 muaj burg për “shpërdorim detyre”, ndërkohë SPAK kërkon që ai të dënohet edhe për akuzën e “grupit kriminal” e “trafikut të drogës”.
Ministri i Brendshëm gjatë mandatit të parë të qeverisë “Rama”, u vu nën shënjestrën e organeve të drejtësisë në tetor të vitit 2017, pasi autoritetet italiane goditën një grup të strukturuar kriminal në trafikun e marijuanës, që drejtohej nga vëllezërit Habilaj – të afërm të Tahirit.
