Manchester City dominon në “Etihad Stadium” përballë Napolit me dy gola në avantazh. Për formacionin e Guardiolas ka shënuar Sterling dhe braziliani Gabriel Jesus. Sfida është zhbllokuar që në minutën e 9’ ku Walker depërton në zonë nga e djathta dhe hedh topin në qendër të zonës, ku fillimisht godet Jesus por Reina e pret dhe topi kthehet në këmbët e sterling që e dërgon në rrjetë. Në minutën e 13’ një kombinim mes De Bruyne dhe Jesus nxjerr këtë të fundit të vetëm para portës dhe shënon golin e dytë. Napoli duket i pafuqishëm përballë sulmit më të mirë të momentit.
Tottenham ka zhbllokuar sfidën në Bernabeu edhe pse janë madrilenët që sulmojnë dhe shpërdorojnë disa raste në sulm. Një top i hedhur në zonë nga mbrojtësi francez Aurier dhe që nuk arrin të devijohet nga Kane, gjen këmbët e Varane dhe përfundon në rrjetë. Një autogol që mund të vendosë fatin e një ndeshje kaq të madhe.
