Ditën e djeshme, kryeministri Edi Rama ishte i shoqëruar nga Tom Doshi dhe nga 15 bodigardë kur mbërriti në Shkodër, aty ku zhvilloi një takim elektoral.
Pak metra larg takimit, militantë të PD-së po zhvillonin një protestë të ashpër ku mbetën të lënduar disa qytetarë.
Lidhur me shoqërimin e Ramës nga Doshi, ka reaguar analisti Fatos Lubonja.
Ky i fundit ka publikuar në rrjetin social Facebook një foto, teksa ka shkruar: “Nëse doni të shikoni hipokrizinë dhe manipulimin e Ramës kur flet për Amerikën që do t’u heqë atyre që do të përfshihen në krime zgjedhore të drejtën e vizës shikoni këtë foto. Një nga njerëzit që e ka shoqëruar atë në pushtimin elektoral që i bëri dje Shkodrës duke përdorur dhunën shtetërore është Tom Doshi (kryetar i PSD) që figuron në lisën atyre qytetarëve të botës që Departamentit i Shtetit (jo Ambasada) u ka hequr të drejtën për të shkuar në SHBA. Besoj se kjo foto flet shumë edhe për “syverbësinë” e Ambasadës Amerikane në Tiranë”.
