Turqia shtrihet në një zonë me aktivitet të lartë sizmik. Mëngjesin e sotëm, Turqia është goditur nga një tërmet i fortë. Lëkundjet me magnitudë 5.0 u regjistruan në provincën juglindore të Siirt të Turqisë.
Lëkundja ndodhi në një thellësi prej 14.02 kilometra në rrethin Kurtalan në 08:45 të mëngjesit me orën lokale, njoftoi Autoriteti i Menaxhimit të Fatkeqësive dhe Emergjencave (AFAD).
Deri tani nuk është raportuar për asnjë viktimë, shtoi AFAD. Turqia është një zonë e nxehtë sizmike, ku për shkak të përplasjes së pllakës së Anadollit me atë arabike, janë shënuar tërmete katastrofike përgjatë historisë.
