Korça është goditur përsëri nga tërmeti gjatë mbrëmjes. Lëkundjet e tërmetit në disa nga zonat e Korçës ka vijuar pothuajse gjithë ditën, duke shkaktuar dëme materiale
Lëkundjet kanë qenë të magnitudës 4,3, ndërsa epiqendra ka qenë në pjesën greke te kufirit, rreth 39 kilometra larg Korçës.
Banorët të cilët janë prekur nga lëkundjet sizmike do të qëndrojnë jashtë banesave pasi një lëkundje e fortë mund t’u shkatërroj shtëpitë.
Ndërkohë, skuadrat e emergjencave civile bashkë me ushtrinë kanë ngritur tenda për t’i ardhur në ndihmë.
Bëhet me dije se në Qafëzez ka 67 objekte të dëmtuara, Selenicë rreth 30 familjeve u janë dëmtuar banesat, Helmes, Gostivisht e Qinam ka vetëm 3 banesa të dëmtuara, Vodicë vetëm një, ndërsa në Rehovë 15 raste relativisht të lehta.
Tërmetet që prekën ditën e sotme Koçën kanë bërë jehonë edhe jashtë vendit, ku për to kanë shkruar edhe mediat prestigjioze si “Reuters”, “Asociatedd Press”, “Uashington Post” etj.
“Gjashtë tërmete në hapësirën prej dy orësh, e para me një madhësi prej 5.3, tronditën të shtunën Shqipërinë juglindore duke plagosur katër vetë dhe duke shkaktuar dëme në 100 shtëpi, thanë autoritetet dhe dëshmitarët okularë. Katër vetë u lënduan nga rënia e mureve, kulmeve dhe llaçit të shtëpive të tyre dhe u dërguan në spital në qytetin kryesor të Korçës në pjesën lindore të Shqipërisë”, shkruan “Reuters”.
