Vazhdojnë tensionet në Irak. Orët e vona të mbrëmjes së djeshme, dy raketa “Katyusha” goditën zonën ku ndodhet ambasadat, që njihet ndryshe si “Zona e Gjelbër”. Kjo është një nga zonat më të siguruara në Bagdad, pasi ndodhen selitë e ambasadave të huaja, përfshirë dhe ajo e misionit amerikan.
Ngjarja ndodhi në një hark kohor 24 orë pas sulmit me raketa të Iranit ndaj dy bazave amerikane, si hakmarrje ndaj vdekjes së gjeneralit Qasim Soleimani.
Raketat shpërthyen vetëm pak para mesnate dhe u shoqëruan nga alarmet e sigurimit në zonën e Gjelbër. Sipas Reuters, njëra prej raketave shpërtheu vetëm 100 m larg murit të Ambasadës Amerikane.
Nga raportet e autoriteteve irakiane mësohet se nuk ka pasur viktima. Për më të tepër, deri tani asnjë grupim nuk ka marrë autorësinë e sulmit.
Ditën e djeshme, pas sulmit të Iranit, lideri i milicisë irakiane që mbështetet nga Irani deklaroi se dhe ata do të hakmerreshin për vdekjen e komandantit të tyre, i cili u vra gjithashtu në sulmin me dron të gjeneralit Soleimani.
