Një objekt i dyshimtë, në dukje si një radio e mbështjellë me izolant, gjetur në hyrjen e një pallati në rrugën “Martin Canaj”, ka alarmuar banorët dhe policinë e Tiranës.
Policia dyshon se sendi i dyshimtë i cili është gjetur në zonën e “Brrylit”, është radio. Në dukje ajo është e mbështjellë me një shirit të zi. Kjo radio përdoret nga shoqëritë private të ruajtjes dhe sigurimit fizik të objekteve.
Tiranë/Informacion paraprak
Më datë 05.11.2021, në rrugën “Martin Canaj”, në trotuar, është gjetur një send i dyshimtë në dukje si radio, që përdoret nga shoqëritë private të ruajtjes dhe sigurimit fizik të objekteve. Shërbimet e Policisë të Komisariatit Nr.4 kanë vendosur perimetrin e sigurisë në zonën ku ndodhet sendi i dyshimtë dhe priten të mbërrijnë në vendngjarje ekspertët antieksploziv të RENEA-s.
