Një bombol gazi ka shpërthyer në ambientet e jashtme të një banese, në rrugën “Shefqet Kuka” në Tiranë.
Si pasojë e shpërthimit, kanë mbetur të plagosur një çift bashkëshortësh. Ende nuk dihen detaje se si ka ndodhur ngjarja.
Shtetasi me inicialet M.G dhe bashkëshortja e tij, shtetasja D.G, janë dërguar me urgjencë në spital, për marrjen e ndihmës mjekësore.
Njoftimi i policisë
Më datë 24.11.2020, rreth orës 12:11, në rrugën “Shefqet Kuka”, në ambientet e jashtme të banesës së shtetasit M.G., ka plasur një bombul gazi, dhe për pasojë janë dëmtuar lehtë shtetasi M.G dhe bashkëshortja e tij shtetasja D.G, të cilët u dërguan në spital, për ndihmë mjekësore. Grupi hetimor dhe sherbimet e Policisë ndodhen në vendngjarje dhe vijojnë për sqarimin e rrethanave të ngjarjes.
