Në 24 orët e fundit janë regjistruar 13 raste të reja me koronavirus, 11 prej të cilave në Tiranë. Mes të infektuarve janë edhe 3 mjekë.
Ministria e Shëndetësisë raportoi se janë kryer 282 testime, nga të cilat janë konfirmuar 13 raste pozitive. Më konkretisht, 11 raste në Tiranë, 1 rast në Krujë dhe 1 rast në Shkodër.
Janë testuar 39 personel shëndetësor, nga të cilët kanë rezultuar pozitivë 3 raste, kontakte të rasteve të mëparshme pozitive.
Gjatë 24 orëve të fundit janë identifikuar disa raste të reja, për të cilat po vijon hetimi epidemiologjik.
Tirana vijon të jetë ‘vatër e nxehtë’ e COVID-19, me 183 të infektuar.
