Tashmë është zyrtare, Emanuel Egbo nuk do të jetë më trajneri i skuadrës së Tiranës.
Afrikani i cili shpalli kampion vitin e shkuar kryeqytetasit, u shkarkua ppër shkak të rezultateve të dobëta në ndeshjen e fundit.
Qershia mbi tortë ishte humbja e sotme ndaj Korabit, në Kupën e Shqipërisë.
Deklarata e klubit të Tiranës
Klubi i Futbollit Tirana njofton shkarkimin e trajnerit Emmanuel Egbo.
Pas ecurisë jo të mirë të skuadrës në ndeshjet e fundit, Egbo nuk do të jetë më në krye të bardhebluve për shkak të rezultateve të munguara.
Klubi e falenderon për përkushtimin dhe sukseset e arritura, të cilat kulmuan me kthimin e titullit kampion në shtëpi.
Duke i uruar suksese në karrierën e tij, kampi i kampionëve i jep një meritë të vecantë të suksesit në sezonin e shkuar njëriut që prej vitesh ishte edhe do të jetë pjesë e familjes së bardhebluve. Faleminderit Egbo!
