Për një 36-vjeçar shqiptar, i cili akuzohet se ka kryer shumë krime, duket se është “mbushur kupa”. Ai është dëbuar për të 14-tën herë nga vendi fqinj dhe ky fakt është konsideruar nga portali italian “ilgiornale.it” si një rekord ekspulsesh.
Ende nuk bëhet i ditur identiteti i personit në fjalë, mirëpo ajo çka dihet është se ai ka precedentë të shumtë, konkretisht 10 të tillë lidhen me dhunën dhe pjesa tjetër me pronat.
Duke qenë se 36-vjeçari nuk ka reflektuar, por ka përsëritur herë pas here krimet e tij, shteti italian ka vendosur që ta dëbojë përfundimisht atë.
Sipas medias “ilgiornale.it” personi i cili ka kryer veprimet që lënë për të dëshiruar, pëlqen që të qëndrojë në territorin italian, por kjo gjë tashmë është e pamundur për të.
