Sekretari i Përgjithshëm i Partisë Demokratike Gazment Bardhi së fundmi ka zhvilluar një takim me strukturat e partisë në qarkun e Durrësit.
Ai i ka bërë thirrje Prokurorisë së Posaçme që të hetojë pa vonesa dy dosjet e blerjes së votave në Durrës dhe Dibër.
Ai tha se demokratët e Durrësit prej 6 vitesh janë nën presionin tmerrshëm të Durrësit.
“Degët e Durrësit, Krujës dhe Shijakut, si askush tjetër, kanë qenë këto 6 vjet nën presionin e tmerrshëm të krimit të organizuar me mbështetje shtetërore.
Demokratët janë përballur me bandat më të rrezikshme që, në bashkëpunim me Edi Ramën, Vangjush Dakon, Artur Bushin, Ilir Ndraxhi, Rrahman Rrahja, Elton Arbana, i kërcënonin me bukën e gojës, me heqjen nga puna, me prishjen e biznesit, me sigurinë e familjes.
Dosja 339 na tregoi egërsinë me të cilën pushteti dhe bandat blejnë votat për Edi Ramën. Është detyrë e SPAK-ut të hetojë pa vonesë dosjet e blerjes së votave, 339/1 dhe 184. Ndëshkimi i atyre që kanë vjedhur votat është 1 nga 9 kushtet e Bundestagut për nisjen e negociatave.
I garantova demokratët dhe qytetarët e Durrësit, Krujës dhe Shijakut se sakrifica e tyre nuk ka për të shkuar dëm. Ne jemi bashkë për të punuar derisa të sigurojmë zgjedhje të lira e të ndershme, që votat e shqiptarëve të mos preken nga Edi Rama, Vangjush Dako, Artur Bushi dhe banditët e tyre”, deklaroi ai.
