Një 32-vjeçar në Zelandën e Re ka thyer të gjitha rregullat, duke dalë në publik, ndonëse ishte i infektuar me koronavirus. I riu nuk e ka menduar dy herë, por ka dalë kundër autoriteteve. Ai ka shkuar në një supermarket, ku ka bërë edhe një “selfie”, ndërsa tashmë do të përballet me ligjin.
32-vjeçari ishte kthyer në Zelandën e Re më 3 korrik nga India. Ministri i Shëndetësisë reagoi mbi këtë rast, duke theksuar se tashmë ky person do të përballet me ligjin.
Pamjet e kapura nga kamerat e sigurisë tregojnë pacientin, i cili ka qëndruar për një kohë relativisht të gjatë në supermarket, por nuk ka pasur kontakt me persona të tjerë.
Pas sinjalizimit të këtij rasti, supermarketi është dezinfektuar.
