Vetëm pak ditë pas shkatërrimit të memorialit turk të vendosur tek zona e Liqenit Artificial, policia deklaron se autori është fiksuar nga kamerat e sigurisë.
Mësohet se policia ka sekuestruar kamerat dhe ka bërë publike fytyrën e agresorit, i cili është parë pranë vendit të ngjarjes në orët e para të 30 gushtit. Në foton e siguruar nga BalkanWeb duket qartë fytyra e agresorit, ndërsa policia po punon ende për zbardhjen e identitetit të tij.
Kujtojmë se vendosja e memorialit në nder të turqve të rënë, si pasojë e grushtit të shtetit në Turqi, shkaktoi shumë polemika në vend, teksa shumë figura të njohura e kundërshtuan vendosjen e tij.
Menjëherë pas shkatërrimit të tij pak ditë më parë, policia rrethoi perimetrin përreth memorialit dhe u vu në mbrojtje të tij.
