Basketbollisti brazilian, Bruno Caboclo, ka thyer rregullat e protokollit të sigurisë të koronavirusit të vendosura nga NBA.
Lojtari i Houston Rockets nuk ka respektuar karantinimin 48-orësh, që çdo lojtar duhet të bëjë pas mbërritjes në kampusin e “Walt Disney World” në Florida.
Ai ka dalë më herët nga dhoma e tij e hotelit dhe për këtë veprim është dënuar. NBA ka vendosur të dënojë lojtarin me 8 ditë izolim suplementar për këtë thyerje të rregullores. Gjatë kësaj kohe ai nuk do ketë mundësi as të stërvitet me skuadrën.
