E enjte, 20 Janar, 2022
-3.5 C
Tirana

Thellohet skandali/Kryemadhi dorëzon në SPAK materiale shtesë për inceneratorët

Kryetarja e LSI, Monika Kryemadhi, ka dorëzuar në SPAK materiale të tjera shtesë të cilat faktojnë abuzimet në lidhje me aferën e inceneratorëve. Sipas saj, materialet shtesë që i dorëzohen SPAK-ut janë për inceneratorin e Tiranës, të Elbasanit dhe të Fierit. Ish-ministri Koka u arrestua dy ditë më parë nga SPAK, pasi akuzohet për “shpërdorim detyre”, “korrupsion” dhe “pastrim parash”. Lefter Koka akuzohet se ka abuzuar me tenderat e inceneratorëve, që konsiderohet si një nga aferat më të mëdha të dekadave të fundit në vend.

“Kryetarja e LSI, Monika Kryemadhi dorëzon në SPAK materiale të tjera shtesë të cilat provojnë abuzimet në lidhje me aferën e inceneratorëve. Materialet shtesë që i dorëzohen SPAK-ut, janë për inceneratorin e Tiranës, të Elbasanit dhe të Fierit. Në shkresën dorëzuar SPAK, kryetarja e LSI-së shprehet se mbetet e hapur për të bashkëpunuar me këtë organ në mënyrë që të kontribuojë për një hetim sa më objektiv të kësaj çështjeje. Lëvizja Socialiste për Integrim ka depozituar më herët tre padi, të shoqëruara me dokumente për inceneratorin e Tiranës, të Elbasanit dhe Fierit”, thuhet në njoftimin e LSI-së.

Lefter Koka akuzohet nga SPAK për “shpërdorim detyre”, “korrupsion” dhe “pastrim parash”. 57-vjeçari që ishte Ministër i Mjedisit nga viti 2013 deri në 2017 në mandatin e parë të qeverisë Rama gjatë koalicionit me LSI-në, ka qenë më herët deputet dhe kryetar i Bashkisë së Durrësit.

Lefter Koka është një nga figurat më të njohura në fushën e biznesit dhe politikës në qytetin e Durrësit. Pas një angazhimi të gjatë në biznes në vitin 2000, 57-vjeçari Koka u përfshi në politikë, fillimisht si anëtar i Këshillit Bashkiak të Durrësit.

Në zgjedhjet lokale të 2003-shit, Koka kandidoi dhe fitoi drejtimin e Bashkisë së Durrësit, post të cilin e mbajti deri në 2007-ën. Pas përfundimit të mandatit të kryebashkiakut, Koka u largua nga Partia Socialiste për të kaluar tek Lëvizja Socialiste për Integrim, ku në zgjedhjet parlamentare të vitit 2009, u zgjodh deputet po në Durrës.

Edhe 4 vite më vonë, në 2013, Koka u rizgjodh deputet në këtë qark, sërish nën siglën e LSI-së. Me bashkëqeverisjen PS-LSI, Lefter Koka u zgjodh Ministër i Mjedisit në shtator të 2013, detyrë të cilën e mbajti deri kur dy partitë prishën koalicionin.

6 muaj para zgjedhjeve të 25 prillit 2021, Lefter Koka, u largua nga Lëvizja Socialiste për Integrim, për t’u rikthyer në Partinë Socialiste. Kryesocialisti e kandidoi atë në qarkun e Durrësit, ku fitoi mandatin e deputetit me mbi 9 mijë vota, i dyti pas Edi Ramës për nga numri i votës preferenciale.

Më 1 shtator, 9 ditë përpara betimit në Parlament, përmes rrjeteve sociale Lefter Koka njoftoi dorëzimin e mandatit, duke e argumentuar se ishte koha e duhur për ta mbyllur ciklin e tij politikë.

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...