Lidhur me grabitjen e parave mesditën e 9 prillit, mësohet se gjatë javës së ardhshme Prokuroria e Krimeve të Rënda do të marrë në pyetje zyrtarët e aeroportit të Rinasit. Gjatë këtyre ditëve, hetuesit kanë administruar dokumentacionin dhe praktikën e ndjekur në aeroportin e Rinasit.
Po kështu, është sekuestruar edhe kontrata që TIA ka nënshkruar me kompaninë ICTS që kishte për detyrë ruajtjen e pistës së aeroportit të Rinasit.
Ende asnjë i identifikuar
Policia nuk ka zyrtarisht ende asnjë të identifikuar nga grabitësit që në bashkëpunim me Admir Muratajn rrëmbyen nën kërcënimin e armëve rreth 5.7 milionë euro. Përveç Muratajt që mbeti i vrarë nga shkëmbimi i zjarrit me policinë, grupi hetimor dyshon se në grabitje morën pjesë të paktën edhe 7 persona të tjerë, që kanë luajtur rol vëzhguesi dhe ndihmësi.
Detajet/Policia e Shtetit kërkon ndihmën e homologëve grekë, për grabitjen në Rinas
