Presidenti Thaçi deklaron se nuk ka asnjë mundësi për ndarjen e Kosovës. Deklarata e tij bëhet në 10-vjetorin e shpalljes së pavarësisë së Kosovës. Në një prononcim për Top Channel, Thaçi thekson se këtë e pranon edhe Serbia, ndonëse jo publikisht.
“Nuk do të ketë autonomi! Nuk do të ketë ndarje! Nuk do të ketë shkëmbim të territoreve. Kosova është vend unik me integritet territorial të respektuar e miratuar ndërkombëtarisht. Në një formë, a në një tjetër Serbia e ka pranuar Kosovën.
Unë jam takuar me liderët serbë dhe e di se ata e dinë se ky është vend sovran dhe ky proces është i pakthyeshëm, por askush prej tyre nuk e ka guximin ta thotë publikisht. Pa njohjen e Kosovës Serbia nuk mund të integrohet në BE, sikurse Kosova duhet t’i kryejë obligimet e veta karshi fqinjëve të vet,” deklaroi Thaçi.
