Presidenti i Kosovës, Hashim Thaçi i është përgjigjur pozitivisht ftesës për rifillimin e dialogut në Uashington në fund të qershorit.
I pari i shtetit tha se inkuadrimi i SHBA-së në këtë proces rrit shpresën për sukses në një marrëveshje për njohje reciproke mes Kosovës dhe Serbisë.
Kreu i vendit përmes një konference për mediat tha se vetëm të bashkuar dhe partneritetin me SHBA-të rezultatet do të jenë konkrete.
Ai theksoi se vendi nuk ka kohë për të humbur dhe shpejtë duhet të arrijë marrëveshjen finale me Serbinë.
I pari i shtetit nuk bëri të ditur se nga Uashingtoni do të kthehet me marrëveshje finale, por tha se do të veprojnë në përputhje me Kushtetutën.
