Intervista e presidentit të Kosovës, Hashim Thaçi, në Hagë, do të vazhdojë edhe sot.
Ditën e djeshme, Thaçi qëndroi rreth 7 orë brenda ambienteve të Dhomave të Specializuara të Hagës. Kur doli ai tha për mediat se “ishin bërë vetëm këmbimet e teknikaliteteve midis avokatit dhe prokurorit të Hagës”.
Protestues të shumtë shqiptarë janë parë tek dyert e kësaj ndërtese, para mbërritjes së Thaçit dhe gjatë gjithë kohës deri në largimin e tij nga objekti i Dhomave të Specializuara.
Ata kërkonin drejtësi për krimet e kryera në Kosovë, gjatë luftës së fundit nga ushtria dhe policia serbe.
