Ish-kryenegociatorja në bisedimet me Serbinë, Edita Tahiri e ftuar në “Rtv Ora” është shprehur se samiti i Berlinit i jep fund çështjes së kufijve midis Kosovës dhe Serbisë.
Sipas saj, ditën e sotme Hashim Thaçi dhe Rama e kanë kuptuan që janë humbës dhe liderë që kanë gabuar historikisht.
Ndër të tjera, ajo tha se Kosova dhe Serbia duhet të ndjekin modelin gjermano- francez për zgjidhjen e mosmarrëveshjeve.
“Samiti i sotëm ka një rëndësi historike sepse merr procesin e dialogut, i cili ishte duke shkuar keq, ishte duke shkuar në drejtim të ndryshimit të kufijve.
Ky samit i cili shpreh qëndrimin gjerman kundër ndryshimit të kufijve, pra e ndal këtë proces që do të ishte i dëmshëm dhe e ve në drejtimin e duhur që dy shtetet, Kosova dhe Serbia të ndjekin modelin gjermano- francez, i cili është një shembull inspirues, sesi dy shtete që kanë qenë në luftë zgjidhin ato mosmarrëveshjet mes tyre.
Ky samit i jep fund gabimeve historike të Thaçit dhe Ramës dhe na nxjerr fitues neve që ishim kundër ndryshimit të kufijve, veçmas mua më ve në pozitat fituese.
Unë si kryenegociatore për 7 vjet e kam ndaluar çdo tendencë të Serbisë që të flitet për territore. Un kam krijuar një proces të fqinjësisë së mirë dhe integrimit të veriut në Kosovë.
Sot Thaçi dhe Rama e kuptuan që janë humbësit dhe janë liderë që kanë gabuar historikisht”, tha Tahiri.
Ndërkohë, Edita Tahiri tha se është në kontakt me autoritetet gjermane, teksa deklaron se Merkel është e nervozuar me faktin se ka ende liderë që provojnë prekjen e kufijve.
