Kryeministri Edi Rama ka publikuar sot një grafik me shifrat e testeve për koronavirus që janë bërë në rajon.
Sipas grafikut të publikuar nga kreu i qeverisë, Shqipëria renditet e dyta në rajon për numrin e testeve të zhvilluara për koronavirusin.
Deri më tani në Shqipëri janë kryer 605 teste, nga të cilat 59 kanë rezultuar pozitive. Ndërkohë vendin e parë për numrin më të madh të testeve në rajon e mban Kroacia, me 880 teste të zhvilluara.
Pas Shqipërisë vjen Serbia me 316 teste, më pas Kosova me 272 teste dhe Bosnje Hercegovina me 257 teste. Numri më i vogël i testeve në rajon sipas grafikut është bërë në Malin e Zi, ku vetëm dje u shënuan dy rastet e para.
Ndërkohë kryeministri Rama kërkon ndjesë që nuk ka futur Maqedoninë e Veriut në grafik, teksa shton se nuk i kanë informacionet e sakta për vendin fqinj.
Postimi i plotë:
JA SA TESTE COVID-19 JANË BËRË DERI DJE NË RAJONIN TONË
(Sqaroj se mungon Maqedonia e Veriut sepse nuk dispononim shifrën e konfirmuar zyrtarisht të ditës së djeshme)
