E enjte, 5 Gusht, 2021
35.5 C
Tirana

Terminali i Autobusëve Ndërqytetas do të zhvendoset diku tjetër

Autobusët ndërqytetas që qëndrojnë te ish-Dogana, do të zhvendosen tek kthesa e Kamzës.

Lajmin e ka bërë të ditur vetë Kryetari i Bashkisë së Tiranës Erion Veliaj.

Ky i fundit ka deklaruar ditën e sotme se më datë 3 janar autobusët do të zhvendosen aty ku po shtrohet terreni për t’i hapur udhë ndërtimit të Terminalit të ri.

Kryebashkiaku premtoi gjithashtu se në vitin 2020 në Tiranë do të marrin udhë një sërë projektesh të rëndësishme, duke filluar nga Teatri Kombëtar, Piramida, Unaza e Madhe, zgjerimi i Lanës, Zona Ekonomike në Kashar etj.

Duke folur në mbledhjen e Këshillit Bashkiak, Veliaj shprehu vendosmërinë për të çuar deri në fund projektet për transformimin e Tiranës.

“Jam i vendosur, unë besoj dhe ju që t’i shkojmë deri në fund çdo projekti që transformon Tiranën dhe e bën atë më të mirë për fëmijët tanë.

Megjithatë, kemi parë shpeshherë që për çdo projekt madhor të Tiranës, si dikur, protestat te këndi i lodrave e lodrat te Liqeni apo Sheshin Skënderbej, të ngrihen çeta me individë që duan të ndalojnë punët e qytetit. Tani është bërë si modë: Sa herë ka një punë të madhe në qytet, ngrihet një çetë respektive, e vogël që e kundërshton, në kurriz të shumicës së heshtur që do zhvillimin e Tiranës.

Janë të njëjtët që duan të pengojnë zhvillimin, hiqen si të dashuruar pas artit, njëherë si të dashuruar pas mjedisit. Janë të njëjtët njerëz dhe kur vjen fjala për punë, është e fundit që e duan, pasi janë të interesuar vetëm për pengim dhe bllokim”, deklaroi Veliaj.

Veliaj nënvizoi se Tirana po bëhet gati për të festuar 100-vjetorin Kryeqytet, ndërsa siguroi se çdokush që pengon zhvillimin do ketë fatin e Astirit, shkruan “report.tv”.

“Sot dua ta bëj të qartë se çdokush që pengon zhvillimin do të ketë fatin dhe përfundimin e asaj që ndodhi para pak ditësh te Astiri. Tirana nuk ndalet! Qytetarët duan zhvillimin, duan rrugët, duan Piramidën, duan Teatrin, duan Bulevardin e Ri dhe zhvillimin aty, duan transformim në çdo lagje e çdo cep të qytetit. Askush nuk do të guxojë që të ndalë “orën” e Tiranës”, theksoi Veliaj.

- Reklama -

Më shumë nga kategoria




Të fundit

Kurti: Nuk mund të dështojmë sërish në reciprocitetin me Serbinë

Deklarimet e Albin Kurtit rreth përgatitjeve për ta vendosur reciprocitetin me Serbinë në mënyrë që mos të dështojë, qeveria e Serbisë i cilësoi si...

“Leku e hedh ujin përpjetë”, jepet vendimi për ish zv.ministren e Brendshme

Apeli i Gjykatës së Posaçme kundër Korrupsionit, ka lënë në fuqi masën e sigurisë "arrest shtëpie" për ish-zëvendësministren e Brendshme, Rovena Voda. Ajo akuzohet...

Berisha nis presionet ndaj ambasadores Kim, flet për bashkëpunimin me PS-në

Ish-kryeministri Berisha është pyetur sot nëse mund të kishte një bashkëpunim PD-PS. Ky version është hedhur poshtë në mënyrë kategorike prej tij, madje do...

Berisha nuk përmbahet ndaj Yuri Kim: S’më pengoni dot, harrojeni!

Ish-kryeministri Berisha është treguar mjaft i drejtëpërdrejtë, e madje nuk është kursyer ndaj akuzave të ambasadores amerikane Yuri Kim. Në një konferencë për mediat,...

‘Non grata’ në SHBA/ Berisha: Padi ndaj Blinken në Gjykatën e Parisit

Pas shpalljes ‘non grata’ dhe pas ultimatumit të ambasadores amerikane Yuri Kim, ish kryeministri Berisha njoftoi në një konferencë për mediat se ka dorëzuar...