Kryeministri Rama ka pritur sot përfaqësues të unioneve të besimtarëve myslimanë nga disa vende të Europës, të cilët janë bërë bashkë për të ndihmuar në rindërtimin e banesave për familjet e prekura nga tërmeti. Teksa i ka shprehur falenderimet për çfarë kanë bërë, Rama ndër të tjera nënvizoi se ky është momenti ku kemi mundësi të bëhemi më të fortë.
Kryeministri – Me liderët e përfaqësuesit e katër unioneve shqiptare të besimit musliman në Zvicër, Gjermani, Austri dhe Itali, të cilat kanë mbledhur një fond të konsiderueshëm solidariteti në xhamitë respektive dhe kanë ardhur në Shqipëri për të nisur bashkëpunimin konkret, në funksion të Rindërtimit.
