Pjesa lindore e Turqisë u godit pasditen e të premtes nga një tërmet i fuqishëm 6.8 ballë. Epiqendra ishte në Elazig, mirëpo lëkundjet janë ndjerë dhe në qytete të tjera. Numri i viktimave ka arritur në 22, dhe janë raportuar mbi 1.000 të plagosur.
Ekipet e shpëtimit vazhdojnë kërkimet. Mediat kanë arritur të filmojnë një telefonatë të bërë nga një grua e quajtur Azize, me një punonjëse të ekipit të kërkim shpëtimit. Pas telefonatës dhe pas shumë përpjekjesh, gruaja është nxjerrë e gjallë nga rrënojat.
Telefonata ka bërë të mundur që ekipi i kërkim shpëtimit të lokalizojë vendodhjen e personit të bllokuar. Numri i të vdekurve mund të rritet, pasi raportohet për persona që kanë mbetur nën rrënoja.
