Kryeministri Edi Rama ka mbledhur sërish ditën e sotme qeverinë në një mbledhje të jashtëzakonshme.
Gjatë fjalës së tij, kreu i qeverisë bëri me dije se sot do të mblidhet Komiteti Kombëtar i Rindërtimit. Gjithashtu ai shtoi se do të aktivizohet edhe fondi prej 1 milion lekësh të reja.
Sipas Ramës, reagimi i partnerëve pas pasojave tragjike që la tërmeti i 26 nëntorit është inkurajues.
“Fondi prej 1 milion lekësh te reja do të aktivizohet sot. Reagimi i parterëve është inkurajues. Mos harroni se është edhe një familje në Kosovë që duhet kontaktuar dhe duhet marrë këtë fond. Fëmijët do marrin bursën prej 15 mijë lekësh që do ta kenë deri në fund të shkollës së tyre, gjimnaz apo dhe universitet. Sot mblidhet Komiteti Kombëtar i Rindërtimit dhe me rëndësi është organizimi i punës”, deklaroi ai.
