4 viktima dhe 120 të plagosur është aktualisht bilanci tragjik si pasojë e tërmetit të fortë në Turqi. Fatmirësisht 5 persona janë nxjerrë të gjallë që nga momentet e para.
Sipas raportimeve të mediave turke, një nga viktimat është mbytur si pasojë e cunamit që goditi brigjet e Izmirit, pas lëkundjeve të tërmetit. Tre viktimat e tjerë janë gjetur nën rrënojat e ndërtesave të shembura, nga tërmeti i fuqishëm.
Ndërkohë që vijon kërkimi për njerëz të tjerë nga ekipet e shpëtimit. Agjencia e kërkim-shpëtimit i ka bërë thirrje qytetarëve, të mos futen nëpër banesat e tyre.
