Tërmeti i magnitudës 4.5 në Itali ka trembur qytetarët.
Mediat italiane raportojnë se shumë banorë u larguan nga shtëpitë pas tërmetit, duke ndenjur në makina apo ambiente të hapura.
Tërmeti kishte një thellësi prej 9 km dhe u regjistrua në Scarperia San Piero, në provincën e Firences, në Mugello.
Gjatë natës, nga ora 3.38 deri në 3.55, pesë goditje të tjera u regjistruan në Scarperia San Piero, njëra prej të cilave ishte me magnitudë 3.4.
Nga paniku dhe për çështje sigurie u mbyllën shkollat në Borgo San Lorenzo, Marradi, Barberino dhe Vicchio si edhe shkollat dhe çerdhet në komunat përreth.
