Kreu i Shtetit, Ilir Meta, ka shprehur dhimbjen e thellë ndaj situatës tragjike që po kalon Turqia pas tërmetit tragjik. Ai shkruan në Facebook se ndihet shumë i tronditur nga viktimat në njerëz, dhe shpreh ngushëllimet më të ndjera familjarëve e të dashurve të tyre, të gjithë popullit turk dhe Presidentit Recep Tayyip Erdoğan.
Statusi
Me shqetësim dhe dhimbje të thellë po ndjek situatën në Turqinë mike, të goditur nga tërmeti tragjik.
Shumë i tronditur nga viktimat në njerëz, ju shpreh ngushëllimet më të ndjera familjarëve e të dashurve të tyre, të gjithë popullit turk dhe Presidentit Recep Tayyip Erdoğan, duke u lutur që të mos ketë të tjera humbje jetësh.
Të gjithë të lënduarve nga kjo fatkeqësi natyrore ju uroj shërim sa më të shpejtë.
Në këto momente tepër të vështira, unë dhe populli shqiptar jemi në krah të Turqisë mike!
Tërmeti i fuqishëm me magnitutë 6.8 që goditi Turqinë ka shkaktuar 21 viktima dhe 1015 persona të plagosur. Deri më tani janë nxjerrë gjallë nga rrënojat 4 persona, ndërkohë që vijojnë kërkimet në terren.