Greqia vijon të goditet nga tërmetet. Por frika është shtuar edhe më tej pas alarmit për vullkan. Një tërmet i fortë me magnitudë 5.2 të shkallës Rihter është regjistruar në Greqi. Lëkundjet e tërmetit janë regjistruar 25 kilometra në perëndim të ishullit të Egjeut jugor dhe 48 kilometra në perëndim të Kos.
Lëkundjet janë regjistruar në orën 14:05 (lokale), dhe aktualisht nuk ka raporte për dëme materiale.
Mediat greke raportojnë se fakti që ka një vullkan në Nisyros, detyron Mbrojtjen Civile të aktivizojë një protokoll të veçantë reagimi, me rezultatin që shërbimet tashmë janë vënë në gatishmëri.
