Një tërmet me shkallë 4.2 rihter ka goditur Greqinë, me epiqendrën e tij në lindje të ishujve Alkyon. Lëkundjet e tërmetit janë ndjerë në orët e para të ditës. Sipas të dhënave të para, thellësia e tërmetit u vlerësua në 6 km. Dridhja e cila u ndie në disa zona të Atikës, ndodhi në 6:01 të mëngjesit.
Presidenti i OASP, Profesor Efthymios Lekkas ka thënë se “thellësia fokale ishte 6 km dhe vjen nga një zonë e ndjeshme e Gjirit Korinthian që ka një potencial të madh sizmik”.
Ai ka sqaruar se këto lëkundje mund të japin një tërmet më të madh, megjithëse ekziston një përqindje jashtëzakonisht e vogël për të pasur një tërmet të tillë.
Sipas tij, “këto tërmete janë të procesit aktual të evolucionit sizmik. Ato nuk mund të japin një tërmet më të madh, megjithëse ekziston një përqindje jashtëzakonisht e vogël për të pasur një tërmet më të madh.
Ne jemi duke vëzhguar zhvillimin, nuk duhet të ketë shqetësim”, shtoi ai dhe shpjegoi se “ajo u ndie në Atikë për shkak të thellësisë së vogël të tërmetit”.
