Italia është goditur nga disa lëkundje tërmeti mëngjesin e kësaj të hëne. Tërmeti i parë është regjistruar me magnitudë 4 Rihter, me epiqendër në Caraffa në Catanzaro. Ndërsa lëkundja e dytë me magnitud 2.0, një kilometër nga Caraffa.
Sipas mediave vendase, njerëzit, dilnin të alarmuar nga shtëpitë e tyre; ndërsa janë evakuuar edhe shkollat, të cilat do vijojnë të qëndrojnë të mbyllura. Nuk raportohet për të lënduar.
Ekspertët dhe zjarrfikësit zbritën menjëherë në terren, teksa vijojnë punën e tyre në verifikimin e gjendjes infrastrukturore dhe të banesave të dëmtuara.
Po ashtu, si masë paraprake, janë pezulluar edhe trenat.
