Paniku i tërmeteve është rikthyer sërish në Shqipëri dhe në Greqi. Instituti i Gjeoshkencave, Energjisë, Ujit dhe Mjedisit raporton se është regjistruar një goditje tërmeti në orën 05:25 të mëngjesit të sotëm në vendin tonë.
Sipas IGJEUM goditja ka qenë me magnitudë 2.4 ballë. Epiqendra ka qenë 14 kilometër në Veri të Librazhdit, në një thellësi 6 kilometër. Ndërkohë Greqia është tronditur nga dy tërmete. Mediet raportojnë se lëkundja e parë është shënuar në ishullin e Kretës, në orën 03:42, në brigjet e Tymbaki. Pak minuta më vonë, në orën 03:58, është shënuar një tjetër lëkundje, në një zonë detare 22 kilometra në jugperëndim të Zakynthos. Të dy tërmetet që ranë në Greqi ishin të magnitudës 3.2 ballë.
