Një tjetër tërmet është ndjerë mesditën e sotme në detin Adriatik, në afërsi të zonës ku ra tërmeti i fuqishëm 11 ditë më parë. Qendra Europiane Sizmiologjike njofton se tërmeti ka qenë me magnitudë 3.6 të shkallës Rihter, dhe epiqendra ka qenë 35 km në veriperëndim të kryeqytetit. Lëkundjet janë ndjerë në orën 10:21 me orën lokale.
Vatra aktive mbetet sërish deti Adriatik, aty ku ishte edhe epiqendra e tërmetit të madh të para pak ditëve. Sipas IGJEUM, përveç tërmetit 3.6 ballë, janë regjistruar edhe 4 lëkundje të tjera pak më të dobëta.
Në datën 4 korrik, vendi ynë u përfshi nga një goditje e fortë sizmike prej 5.2 ballësh, i cili shkaktoi dëme materiale në disa zona dhe panik mes qytetarëve; duke pasuar më tej në vazhdën e dy ditëve nga 520 goditje të tjera.
Sipas sizmiologëve, kjo mbetet një situatë normale pasi një goditje e madhe tërmeti, pasohet nga shumë të tjera për ditë e javë me radhë.
