Tërmeti që goditi Shqipërinë mëngjesin e 26 nëntorit ishte shkatërrimtar dhe me pasoja fatale.
Raportohet se 39 persona kanë humbur jetën, ndërkohë dyshohet se ka ende njerëz nën rrënoja.
Lëkundjet e njëpasnjëshme kanë dhënë pasoja të dukshme për qytetin e Durrësit.
Tërmeti ka ngritur edhe tokën rreth 10 centimetra afër Durrësit, përgjatë bregdetit të Shqipërisë.
Një fakt i tillë interesant tregohet nga pamjet e marra nga satelitët Sentinel-1 të programit Evropian Kopernikus të Agjencisë Evropiane të Hapësirës (ESA) dhe
Komisionit Evropian, të analizuar nga sizmologët e Institutit Kombëtar të Gjeofizikës dhe Vullkanologjisë (Ingv).
