Mbrëmjen e djeshme, çmimi i FIFA-s, “The Best”, shkoi për Robert Lewandowski. Por, siç ndodh shpesh në këto raste, votat e veçanta që zbulohen në orët pas ceremonisë së ndarjes së çmimeve shkaktojnë sensacion.
Teksa Lionel Messi nuk i ka dhënë asnjë pikë Cristiano Ronaldos, edhe në mesin e tre më të mirëve, Lionel Scaloni nuk e ka vendosur “Pleshtin” në vendin e pare, në votimin që ka bërë si trajner i Argjentinës.
Me siguri, kjo do t’i acarojë marrëdhëniet mes trajnerit të Albiceleste dhe yllit të saj. Ai ka zgjedhur të parin, duke i dhënë 5 pikë, Sadio Mané të Liverpool. Në vendin e dytë, më 3 pikë, ka votuar Messin dhe në të tretin Neymar, me 1 pikë.
Një votë befasuese, si për parapëlqimin e Mané para Messit, ashtu edhe për “rrëzimin” e simbolit të kombëtares që ai vetë drejton si trajner. Me sa duket, me integritet të madh intelektual, Scaloni donte të votonte duke ndjekur vetëm dhe ekskluzivisht shijen e tij personale.
