Eduart Ndocaj ka njoftuar sot se ka bërë një kallëzim penal në prokurori për një kërcënim në adresë të tij. Kandidati i pavarur për bashkinë e Lezhës, a marrë shkas nga një mesazh që i ka ardhur ku i kërkohej që të tërhqej nga gara.
Burime për Dosja.al bëjnë me dije se kërcënimi ndaj Ndocajt është bërë disa ditë më parë dhe bazuar në atë që ai ka thënë në prokurori përmbajtja e kërcënimit ka qenë një mesazh ku shkruhet: Tërhiqu nga gara, ose do e shohësh çfarë do të ndodhë!
Eduart Ndocaj garon për të marrë drejtimin e bashkisë Lezhë përballë ish-deputetit të PS, Pjerin Ndreu.
Ndocaj, ish-deputet i grupit të PS kërkon të marrë drejtimin e kësaj bashkie që siç thotë ai, rrezikohet nga duart e krimit dhe drogës. Ndërkohë Ndocaj ka publikuar në Facebook edhe biseda me qytetarë të cilët pretendojnë se janë kërcënuar familjarisht me jetë nga të fortët e Lezhës për të votuar Pjerin Ndreun.
