Kandidati për kryeministër i Vetëvendosjes, Albin Kurti thotë se gazi lotsjellës i takon së kaluarës. Gjithashtu, Kurti thotë se deklaratat se do t’i fusin në burg politikanët, janë bërë për mobilizim të masës për ndryshime.
“Kjo është më shumë si me thënë një lloj thjeshtëzimi i figurës së ndryshimit, por tani në pozicionin ku jemi sot dhe përgjegjësinë që na e kanë dhënë qytetarët me votat e tyre të shumta ne do ta shohim drejtësinë në një mënyrë shumë më të sofistikuar se kaq. Në fjalimet që kam bërë edhe në vitet 2009 e 2010 kemi përmendur Dyzin, Gërdoci, burgun e sigurisë së lartë, kemi thënë se këta politikanët tanë e kanë ndërtuar si për vete. Këto janë figura me të cilat ne aktivizojmë dhe mobilizojmë qytetarët për ndryshime. Por është evidente se këto do të ndodhin nga policia e jo nga politika dhe qeveria”, tha Kurti në emisionin “Rubikon” të KTV-së.
Tha se me ruajtjen e rendit dhe sigurisë do të merren organet e rendit.
“Lëvizja Vetëvendosje nuk do të merret me gazetarë , nuk do të merret me tërheqje njerëzish. Ne duam që ta çlirojmë ekzekutivin, ta çlirojmë gjyqësorin prek ekzekutivit’, tha Kurti.
“Në Qeverinë e re policia nuk do të përdorë gaz lotsjellës e as plumba gome kundër protestuesve”, tha ai.
